തീവ്രവാദത്തിന്‍റെ നാടോ കേരളം???

എഡിറ്റര്‍ 

കേരളം ഭ്രാന്താലയമായി മാറിക്കൊണ്ടിരിക്കുകയാണോ, അല്ല മത ഭ്രാന്തായലം എന്നു തിരുത്തണം. ഇക്കഴിഞ്ഞ നാളില്‍ തൊടുപുഴയുണ്ടായ സംഭവം അതാണ്, സൂചിപ്പിക്കുന്നത്.മാതാവിന്‍റേയും സഹോദരിയുടേയും ഒപ്പം നില്‍ക്കുകയായിരുന്ന തൊടുപുഴ  ന്യൂമാന്‍ കോളേജിലെ അദ്ധ്യാപകന്‍  ടി ജെ ജോസഫിനെ ഒരു സംഘം ആള്‍ക്കാര്‍ അക്രമിച്ചു, അക്രമണത്തില്‍ അദ്ദേഹത്തിന്‍റെ കൈപ്പത്തി വേറിട്ടു പോയി,വീണ്ടും ത്ന്നി ചേര്‍ത്തു വയ്ക്കതിരിക്കാനെന്നോണം മുറിച്ചയിടം വീണ്ടും അവര്‍ ചീന്തിയിട്ടു.
ഇക്കഴിഞ്ഞ പരീക്ഷയില്‍ ചോദ്യക്കടലാസ്സു തയ്യാറാക്കി അതില്‍ മത നിന്ദ പേറുന്ന തരം സംഭാഷണങ്ങള്‍  ഉള്‍പ്പെടുത്തിയ ആദ്ധ്യാപകനാണ്, അദ്ദേഹം, ഈ പ്രശ്നത്തില്‍ അദ്ദേഹം കേസിലാണ്,കോളേഗില്‍ നിന്ന് അദ്ദേഹത്തെ പുറത്താക്കുകയും ചെയ്തിരുന്നു.

മൂന്നു മാസം മുന്‍പ് നടന്ന ഈ കേസില്‍ അദ്ദേഹം വിചാരണ നേരിട്ടു കൊണ്ടിരിക്കുന്ന ഈ സമയത്ത് പ്രതികാര ബുദ്ധിയോടെ അദ്ദേഹത്തിനെതിരേ തിരിഞ്ഞത് ആരായാലും ശരിയായില്ല.തെറ്റുകള്‍ക്ക് ശിക്ഷ വിധിക്കാന്‍ നമുക്ക് ഭരണതലങ്ങളുണ്ട്, നീതിന്യായ വ്യവസ്ഥയുണ്ട്, ഇവയെല്ലാം പരാജയപ്പെട്ടെങ്കില്‍ പോരേ മറ്റുള്ള വഴി. മത നിന്ദ വലര്‍ത്തുന്ന തരത്തിലുള്ള ചോദ്യങ്ങള്‍ ഇട്ടത് വലിയ തെറ്റു തന്നെ, പക്ഷേ ആ മത വിശ്വാസികള്‍ തന്നെ അതേ കാരണത്തില്‍ ഇത്തരമൊരു ആക്രമണത്തിനു മുതിര്‍ന്നത് അപലപനീയമാണ്.

ഈ വിവാദ സംഭവത്തിനു ശേഷം പല ഭീകര സംഘടനകളുടേയും നോട്ടപ്പുള്ളിയായിരുന്നു ജോസഫ്, അദ്ദേഅഹം പലതവണ തന്‍റെ ജീവനു ഭീഷണിയുള്ല കാര്യം പോലീസില്‍ അറിയിക്കുകയും ചെയ്തിരുന്നു, പക്ഷേ പോലീസിന്‍റെ ഭാഗത്തു നിന്നും അദ്ദേഹത്തെ പ്രത്യേകിച്ച് കോടതിയില്‍ വിചാരനയിലിരിക്കുന്ന ഒരു പ്രധാന കേസിലെ പ്രതിയെ സംരക്ഷിക്കാന്‍ ശ്രമിക്കാതെ ഇരുന്നത് വീഴ്ച്ചയാണ്.

ഒറ്റൊരു ഭയത്തോടെയാണ്, നാം ഭീകരാക്രമ്മണത്തേയും ഭീകരരേയും കുറിച്ചോര്‍ക്കുന്നത്, പക്ഷേ നമ്മുടെ സ്വന്തം നാട്ടില്‍ ഇങ്ങനെയൊരു അക്രമം എല്ലാ സുരക്ഷാ രംഗത്തേയും ഒന്ന് ഉത്തേജിപ്പിച്ചിട്ടുണ്ട്, കൈ വെട്ടിയ കേസിലെ പല പ്രതികളേയും പോലീസ് അറസ്റ്റ് ചെയ്തു കഴിഞ്ഞു,തമസം വിനാ പ്രതികളെ അകത്താക്കിയ പോലീസ് ഡിപ്പാര്‍ട്മെന്‍റ്, അഭിനന്ദനം അര്‍ഹിക്കുന്നുണ്ട്,രാഷ്ട്രീയ നേതാക്കളും ഇതിനെത്രേ ശകതമായ നിലപാടുമായി തന്നെയാണ്, മുന്നോട്ടു പോകുന്നത്,
കേരളം ഒരിക്കലും ഒരു മത ഭ്രാന്തലയമാകാതിരിക്കട്ടെ
നന്മ പുലരട്ടെ

ഹര്‍ത്താലും നമ്മളും

പത്തു ദിവസത്തെ അകലത്തിനിടയില്‍ ഒരേ കാരണം പറഞ്ഞ് രണ്ടു ഹര്‍ത്താലുകള്‍.വളരെ ശോചനീയമായ ഒരു സാംസ്കാരിക അധ:പതനത്തിലാണ്, നാമിപ്പോള്‍.തങ്ങള്‍ക്ക് പ്രതികരണശേഷി ആവശ്യമില്ലെന്ന് പൊതുജനങ്ങള്‍ ആവര്‍ത്തിച്ച് വ്യക്തമാക്കുന്നു.

"ഞങ്ങള്‍ക്ക് ഹര്‍ത്താല്‍ ആവശ്യമുണ്ട്,ഇടയ്ക്ക് കിട്ടുന്ന അവധി ദിവസം എന്തൊക്കെ കാര്യങ്ങള്‍ നടക്കുമെന്നോ..."ഇത്തരം ചോദ്യങ്ങളാണ്, ഇന്ന് ഹര്‍ത്താല്‍ ദിനത്തില്‍ നമ്മുടെ വീടുകളില്‍ ഉയരുന്നത്.ടൂറിസത്തിനും സംസ്കാരത്തിനും കേള്‍വികേട്ട നമ്മുടെ സ്വന്തം കേരളത്തിലാണ്, ഇത്തരം നിര്‍ജ്ജീവമായ മറുപടികള്‍ എന്നോര്‍ക്കണം.അനു മിമിഷം ഐ ടി പാര്‍ക്കുകളായും ടൂറിസം വഴിയായും വികസിച്ചു കൊണ്ടിരിക്കുന്ന കേരളം പോലെയൊരു സംസ്ഥാനത്തിന്,ഇങ്ങനെ ആവര്‍ത്തിച്ചുണ്ടാകുന്ന ഹര്‍ത്താലുകള്‍ ഗുണകരമാകില്ല.
കടകമ്പോളങ്ങള്‍ അടയ്ക്കാതെയും ഓഫീസ് കാര്യങ്ങള്‍ മുടങ്ങാതെയും ഗതാഗതം തടസ്സപ്പെടാതെയും ഹര്‍ത്താല്‍ നടത്താവുന്നതിന്‍റെ സാദ്ധ്യതകളെപ്പറ്റി ആലോചിക്കാവുന്നതാണ്.നോക്കിപ്പഠിക്കാന്‍ മദ്രാസും ത്രിപുരയുമൊക്കെ ഉണ്ടല്ലോ..

നമ്മുടെ സംസ്ഥാനത്ത് ഇപ്പോള്‍ നടത്തുന്ന ഹര്‍ത്താലുകളെ ജനകീയ സമരം എന്ന് പറയാനാകില്ല.നാടിന്‍റെ സാമ്പത്തിക സ്ഥിതി അത്ര മെച്ചവുമല്ലാത്ത സാഹചര്യത്തില്‍ കോടികള്‍ നഷ്ടം വരുത്തി ഇത്തരം ഹര്‍ത്താലുകള്‍ നടത്തണോ എന്ന് ആലോചിക്കേണ്ട സമയം അതിക്രമിച്ചു. നമ്മുടെ സര്‍ക്കാര്‍ ഓഫീസുകളില്‍ചുവപ്പുനാടകളില്‍ കുരുങ്ങിയിടൊങ്ങുന്ന പ്രോജക്ടുകള്‍ എത്രയെണ്ണമുണ്ട്,അതിവേഗ സര്‍വീസുകള്‍ ഒരു പരിധിവരെ ഈ ചീത്തപ്പേര്‍ പരിഹരിക്കുന്നുണ്ടെങ്കിലും മുട്ടില്ലാതെ വരുന്ന ഹര്‍ത്താലുകള്‍ ഇതിന്, വിഘാതമാണ്.

ഇതിനൊക്കെ എതിരേ പൊതുജനത്തിന്‍റെ ഭാഗത്തു നിന്നും പങ്കാളിത്തങ്ങള്‍ ഉണ്ടായേ പറ്റൂ.പണ്ടത്തെപ്പോലെയല്ല പ്രതികരിക്കാന്‍ ഇന്നവര്‍ക്ക് അവരുടേതായ മാദ്ധ്യമങ്ങള്‍ ഉണ്ട്.ബ്ലോഗുകള്‍ സോഷ്യല്‍ നെറ്റ്വര്‍ക്കിങ്ങ് സൈറ്റുകളായ ഓര്‍ക്കുട്ട്, ട്വിറ്റര്‍,ഫെസ്ബുക്ക് തുടങ്ങിയവ ഉദാഹരണങ്ങള്‍ മാത്രം. തകരുന്നത് നമ്മുടെ സമ്പദ്-വ്യവസ്ഥയാണ്, നഷ്ടപ്പെടുന്നത് നമ്മുടെ ഖജനാവും, കോടികളൂടെ നഷ്ടമുണ്ടാക്കുന്ന ഈ ഹര്‍ത്താല്‍ എന്തു പ്രയോജനമാണ് ഉണ്ടാക്കുന്നത്, പെട്രോള്‍-ഡീസല്‍ വില വര്‍ദ്ധന,നിത്യോപയോഗ സാധന വില വര്‍ദ്ധന പ്രക്ഷോഭങ്ങള്‍ സംഘടിപ്പിക്കാനുള്ള കാരണങ്ങള്‍ തന്നെ,പക്ഷേ നമ്മുടെ തന്നെ ഖജനാവിലെ പണം നഷ്ടപ്പെടുത്തി ഇത്തരമൊരു സമരമാര്‍ഗ്ഗം അനിവാര്യമോ ആലോചിക്കൂ

സെലിബ്രിറ്റി ചാറ്റ്

ഈ മാസം മുതല്‍(അടുത്തയാഴ്ച്ച മുതല്‍) കണിക്കൊന്നയില്‍ കാണാം,കേള്‍ക്കാം,വായിക്കാം പ്രശസ്തരായ വ്യക്സ്തികളുമായുള്ള ഇന്‍റര്‍വ്യൂകള്‍.ആദ്യമായി വായനക്കാര്‍ക്കായി പ്രശസ്ത ചലച്ചിത്ര ഗാന രചയിതാവും സംഗീത സംവിധായകനുമായ കൈതപ്രം ദാമോദരന്‍ നമ്പൂതിരിയാണ്.ഇന്‍റര്‍നെറ്റിന്‍റെ സാദ്ധ്യതകള്‍ മുന്നില്‍ക്കണ്ട്,മൊബൈല്‍ വഴി എടുത്ത സംഭാഷണങ്ങള്‍ അതു പോലെ തന്നെ,നിങ്ങള്‍ക്ക് കേള്‍ക്കാം.
കേട്ടിട്ട്,വായിച്ചിട്ട് അഭിപ്രായം അറിയിക്കാന്‍ മറക്കരുതേ.