| പഴശ്ശിരാജ - വീണ്ടുമൊരു ക്ലാസിക് കൂടി മലയാളത്തില് നിന്ന് |
| Written by ശ്രീഭദ്ര |
| Friday, 16 October 2009 20:15 |
പഴശ്ശിരാജ - വീണ്ടുമൊരു ക്ലാസിക് കൂടി മലയാളത്തില് നിന്ന്ശ്രീഭദ്ര
ശ്രീഗോകുലം മൂവീസിന്റെ ബാനറില് ഹരിഹരന് സംവിധാനം ചെയ്ത "പഴശ്ശിരാജ അക്ഷരാര്ത്ഥത്തില് കേരളത്തിലെ സിനിമാ പ്രേക്ഷകരെ പുളകം കൊള്ളിച്ചു.125 ഓളം തീയറ്ററിലാണ്, പഴശ്ശിരാജ പ്രദര്ശിപ്പിക്കപ്പെട്ടത്.കൂടാതെ തമിഴ്, തെലുങ്ക്, ഹിന്ദി ഭാഷകളിലും 500 ഓളം പ്രിന്റുകള്.റിലീസിങ്ങിനു മുന്പു തന്നെ ഈ ചിത്രം ചര്ച്ചാ വിഷയമായിരുന്നു,അതിന്റെ പിന്നില് പ്രവര്ത്തിച്ച ടീം തന്നെയായിരുന്നു ഈ ചര്ച്ചയാവലിനു കാരണം. പഴശ്ശിരാജയുടെ ജീവിതം സ്വാതന്ത്ര്യ സമരകാലയളവില് എത്രത്തോളം പ്രാധാന്യമായിരുന്നു എന്ന് എം ടിയുടെ തിരക്കഥ കാണിച്ചു തരുന്നു.എഴുത്തിനോട് പരമാവധി നീതി പുലര്ത്തിയിട്ടുണ്ടെന്ന് അദ്ദേഹം തന്നെ സാക്ഷ്യപ്പെടുത്തുകയും ചെയ്യുന്നു. മമ്മൂട്ടി എന്ന നടന്റെ സവിശേഷത അദ്ദേഹത്തിന്റെ സംഭാഷണമാണ്, കൂടാതെ ആക്ഷനും,അതെ ഈ ചിത്രത്തില് ആവോളമുണ്ടുതാനും.ഒരു വടക്കന് വീരഗാഥയിലെ ചന്തു വിനെ പഴശ്ശിരാജ കവച്ചു വയ്ക്കും എന്നതില് സംശയമില്ല.ശരത്കുമാര് എന്ന തമിഴ് നടന്റെ മെയ്വഴക്കവും അഭിനയവും പഴശ്ശിരാജയുടെ മാറ്റു കൂട്ടുന്നു.
പഴശ്ശിരാജയെ ജനപ്രിയമാക്കുന്ന മറ്റൊരു പ്രത്യേകത അതിന്റെ ശബ്ദമിശ്രണമാണ്.ഓസ്കാര് അവാര്ഡിന്റെ തിളക്കം കൂടി ഉണ്ടതിന്.റസൂല് പൂക്കുട്ടിയുടെ കഴിവ് നന്നായി അദ്ദേഹം ഉപയോഗിച്ചിട്ടുണ്ട്.തല്സമയ ശബ്ദലേഖനമാണ്, അദ്ദേഹം പഴശ്ശിരാജയ്ക്കു വേണ്ടി ഉപയോഗിച്ചിരിക്കുന്നത്.
|
